قِصَه حَقيقيَه حَصَلَت بأسواق المملكة بالرياض

واللهِ العَظيم قِصَه حققيه حَصَلَت بأسواق المملكة ،’
طبعا القصه منقوله
نُقِلَتْ مِن راويتها ، وَالتي هيَ موَظفَه وَزميلَه لي بأحدْ مدارس الرياض ..

طَلعت مَره أنا وثنيتن مِن خوآتي هيَ متزوجة ، وأختها الأولى بثالث ثانوي والثآنيه بأولى ثانوي
بعد ماستأذنت من زوجي عشان نتعشى برى
قلت لخوآتي وش رأيكم نمر المملكة أبي دبنهآمز شوي مآراح نطول لأنها مآقالت لزوجها بتروح للسوق
ورحنا المملكة ودخلنا دبنهآمز
أختي الصغيرة قالت بستهبل شوي بشوف هم يدرون عَني أو لا ..
فأخذت شبآصتين وحَطتهم بشَنطتهآ من دون مآتحآسب عليهم
بنيتها والله تحاسب عليهم لكِن قالت بشوف أول يعني مُغآمره حَبت تعيشها شوي
مآدرينآ إلا بخَمس شباب سعوديين واقفين فوق رآسنآ
كآنو مشخصين وكآشخين ..ومن هنا وهنا عَرفنا إنهم شآفو حركة أختي بكآميرآت ألمراقبه ..
فقآلو لنا تفضلوا معنا شوي ..
طلعونآ فوق لمَملكَة المرأة ودخلونا بغرفه كآن شكلها زى المحاكم ..
كآن فيها ظآبط .. وهي كانت غرفة التَحقيق ..
أقولهم والله العظيم كانت مزحه وكنا بنحآسب على هالشبآصتين
رد وأحد منهم قال اجل روحي اقتلي لك وأحد بالشارع وقولي مزحَه !
قلت لهم حذو الشبآصات ماأبيهم وهاكم حقهم ، فآمو يلتفتون على بعض ويضحكون ويتمصخرون علينآ
من السآعه 9 للساعة 12 وحنا بهالغرفه شفنا شي وقسما بالله يَندى لهُ الجَبين !
تحرشات من هال كلاب اللي يمارسون سُلطَتهم ويستغلون مناصبهم ويتحرشون ببنات خلق الله
قالو لنا تعالوا بنوريكم شي ..
رحنا ودخلنا بغرفه كبيره كلها شاشات .. وكآن فيها ثلاث فلبينيين .. انصدمت من اللي شفته !
كانت الكآميرآت مسلطه على كل المجمع حتى مملكة المرأة
البنآت يروحون ويجون مآخذين رآحتهم ، مآيدرون انهم صآرو مُسلسل سعودي من ترليون حَلقه !

قالي وآحد منهم شوفي بوريك شي
ويعيد الشريط اللي فيه أخذت أختي الشباصات ، وانا كنت بوقتها قآعده أقيس خآتم !
قآلي وين وديتي الخآتم ؟ قلت قسمآ بالله رجعته مكآنه ، قال وش يضمني تعالي ننزل تحت ووريني الخآتم
نزلنآ بالسلم المُتحرك حتى واحنا قدآم خلق الله ماسلمنآ من تحرشآتهم القَذره !
ورحنآ لمكآن الخآتم وتأكدو من وجوده .. وطلعونآ مره ثآنيه لغرفة التحقيق ..
دخلو علينآ حرمه سمراء عشان تفتشنا .. قلت لها تكفين يابنت الحلال طلعونآ والله مآتسوى
قالت لي أحمدي اللي سووه فيكم ولا شي من اللي يسوونه بغيركم !!!
المُصيبه ماأقدر اكلم زوجي وش أقوله مسكونآ واختي تسرق !
ولا أكلم أبوي وربي بتجيه جلطه على طول
ولا أخوآني اللي بيوروننا الشغل
سكت وللحين قآعدين قدآم هالست وحوش ! قلت لهم تكفون كم تبون حق هالشبآصات
لف وآحد على الثآني قال كم نآخذ منها 2000 تكفي ! وكملو ضحك وهستره قدآمنآ
قآل واحد منهم يآلله عطونآ ألف وهآتو الغرض اللي أخذتوه وتوكلو على الله !
سآعتهآ والله لو كآنو طآلين مني 10000 كآن عطيتهم
بفك نفسي وبفك هالبنات اللي معي من اللي يصير فينآ .. وعطيتهم الألف ورحنآ ..
من صآرت السآلفه وهي برآسي .. ماأقدر انام بالليل .. بقَلبي


قسمآ بالله إني صآدقه بكل كلمه قلتهآ، واللهُ على ماأقول شهيد !
صحيح انا اعترف يمكن احنآ غلطنآ بس كآنت مزحه والله يلعنهآ من مزحه !
وانا وخوآتي نقطه ببحر من المصآيب اللي دآيم تصير بغرفة الدعآره ( آسفه قصدي غرفه التَحقيق ! )
أعرآض بنات خلق الله صآرت سِلعه رخيصه بأيدي أنآس يَملكون سُلطَه لايَستحقونهآ
وفِعلا حآميهآ حرآميهآ ..



انا مآكتبت هالسآلفه عشآن تمر مرور الكِرآم
لا
أنآ كتبتهآ عشآن أوعيكم عن اللي قآعد يصير خلف الكوآليس
بمسسلسل الترليون حلقه السعودي
وكلي أمل ان هالقصه تنتشر
واتمنى توصل لأمآرة منطقة الرياض وللهيئه عشآن يوقفون هالكلاب عند حدهم


حسبي الله عليهم




منقول ...